Aaj phir unki yaad aayi...

Aaj phir unki yaad aayi...
jaise dheemi-dheemi si wo sardiyo ki dhuup..
Aaj phir wo lamho ne dil ke aangan me dastak di...
jaise wo pehli dhuup darwaaze se jhaankti-si ho..

kuch aisi yaadein jo kabhi hasaaya karti thi..
wo ab aankon me nami-si le aayi..
kuch chand lamho ke liye dil ke aashiyane me theheri thi..
aur phir ek hawaa ki tarah bin bataaye guzar-si gayi..

kuch aisi baatein jinko itni tabajjub nahi di thi kabhi..
wo baatein wapas yaad aayi..
aur ab lagta hai jaise kyu humne us pal ko sanjoya nahi kabhi...
jo ab sirf ek adhoori-si kahaani ban kar reh gayi...